BOLETÍN OFICIAL DEL ESTADO
Martes 10 de junio de 2025

Supl. N. Pág. 19

Jakinarazten den erabakia motibatu duen txostenaren laburpena, interesdunaren
alegazio zehatzei dagokienez, honako hau da hitzez hitz:
D. … jaunak aurkeztutako alegazio-idazkia ikusita, eta alegazio bakoitzari eman
dakiokeen erantzun zehatza alde batera utzi gabe, honako hau adierazi behar da:
1- Bilboko udalerrian konpainia-animalien ongizatea, babesa eta edukitza arduratsua
arautzeko Ordenantza udalaren erregelamendu-ahala erabiliz ematen da, Etxeko
animaliak babesteari buruzko 2022ko ekainaren 30eko 9/2022 Legearen azken
xedapenetako bigarrenean ezarritakoa betetzeko: "Udalek urtebeteko epea dute, lege
hau indarrean jartzen denetik, udal-ordenantzak lege honen xedapenetara egokitzeko".
Hori guztia, Euskadiko Toki Erakundeei buruzko apirilaren 7ko 2/2016 Legearen 17.1.6)
artikuluan legez definitutako eskumen-eremua kontuan izanik, artikulu horretan udalerrien
eskumen propiotzat jotzen baita lagun egiteko animalien eta arriskutsuak izan daitezkeen
animalien gaia antolatzeko eta kudeatzeko eskumena.
2.- 2023ko irailaren 29an, Animalien Eskubideak eta Ongizatea Babesteko
martxoaren 28ko 7/2023 Legea jarri zen indarrean. Lege horren helburua da oinarrizko
araubide juridiko bat ezartzea Espainiako lurralde osoan, lagun egiteko animalien
eskubideak eta ongizatea babesteko eta bermatzeko.
Lege horren irismenak eta edukia Euskal Autonomia Erkidegoan aplikatzeak
eskumen-gatazka sortzen dute Estatuaren eta EAEren artean, EAEk ulertzen baitu
Estatuak ez duela eskumen-titulu nahikoa egindako legegintza-lanari ekiteko, lege horrek
ez duelako errespetatzen Konstituzioan eta EAEko Autonomia Estatutuan ezarritako
eskumen-ordena.
Eskumen-gatazka identifikatu ondoren, 2023ko uztailaren 10ean Araubide
Juridikoaren sailburuordearen Ebazpena argitaratu zen EHAAn eta BOEn. Ebazpen
horren bidez, Estatuko Administrazioaren eta EAEko Administrazioaren arteko
lankidetzarako aldebiko batzordea sortu zen, konstituzio-kontrakotasuneko errekurtsoa
jarri aurreko jarduketa gisa. Bi administrazioen artean lortutako akordioagatik saihestu da
errekurtsoa. Akordioan zehazten da Estatuko Legearen artikuluetatik zeintzuk diren EAEk
derrigorrez bete beharrekoak, eta zeintzuk gomendio hutsa.
Txosten hau egin den egunera arte, Etxeko animaliak babesteari buruzko 2022ko
ekainaren 30eko 9/2022 Legeak ez du inolako aldaketarik izan, eta, beraz, irizpidea da
erregulazioaren edukia bat datorrela batzordean erabakitakoarekin.
Eusko Jaurlaritzaren 2023ko irailaren 24ko legezkotasunari buruzko txosten
konparatiboa aipatu beharra dago. Honako hau dio: "... 9/2022 Legean jasotako
erregulazioari dagokio erreferentziazko legegintza-araua izatea eta EAEn administrazio
eskudun guztiek, hedadura osoan, lehentasunez aplikatzea. Horrek barne hartzen du V.
tituluan araututako zehapen-araubidea. Estatuko legea aplikatuko dute administrazio
eskudunek 9/2022 Legeak sartu ez dituen erregulazio-alderdietan. EAEko Legea
garapen-arau autonomikoa izango litzateke, Estatuko Legearekin kontraesanezkoak,
osagarriak eta bateragarriak ez diren eduki arautzaileak partekatzen baititu...".
3- Arestian azaldutakoan oinarrituta, Ordenantzak, lagun egiteko animaliei eta
arriskutsuak izan daitezkeen animaliei dagokienez, sektoreko araudiak udalen
erantzukizun gisa esleitzen dituen eginkizunak arautzen ditu. Araudi sektoriala, funtsean,
honako hauek osatzen dute: EAEko 9/2022 Legea, 2022ko ekainaren 30ekoa, Etxeko
Animaliak Babestekoa; 101/2004 Dekretua, ekainaren 1ekoa, Euskal Autonomia
Erkidegoan txakurrak edukitzeari buruzkoa, 9/2022 Legearen aurka ez doan guztian;
50/1999 Legea, abenduaren 23koa, Arriskutsuak izan daitezkeen animaliak edukitzearen
araubide juridikoarena, eta hura garatzeko erregelamendua, abenduaren 2ko 287/2002
Errege Dekretua.
Haren edukia ez doa Animalien Eskubideak eta Ongizatea Babesteko martxoaren
28ko Estatuko 7/2023 Legearen aurka; aitzitik, Etxeko Animaliak Babesteari buruzko

cve: BOE-N-2025-139881fa646839ab4e23bb06d733a1647ace05fd
Verificable en https://www.boe.es

Núm. 139