BOLETÍN OFICIAL DEL ESTADO
Núm. 151

Martes 24 de junio de 2025

Supl. N. Pág. 4

Vitoria-Gasteizko Udala
Ogasun Saila
Trafikoaren alorreko dosier zigortzaileetako ebazpen zigortzaileen jakinarazpenak.
Ogasuneko zinegotzi ordezkariak eman dituen ebazpen zigortzaileen berri ematen da
ondoren, Trafikoari, Ibilgailu Motordunen Zirkulazioari eta Bide Segurtasunari buruzko
Legearen testu bateratua onetsi zeneko urriaren 30eko 6/2015 Legegintzako Errege
Dekretuaren 91. eta 92. artikuluetan xedatutakoaren ildotik, saiatu arren ezinezkoa izan
denez zerrendan ageri diren pertsona edo entitateei beren helbideetan jakinaraztea.
Zinegotzi ordezkaria da Trafikoaren alorrean zigortzeko organo eskuduna, alkateak
2024ko azaroaren 29ko dekretuaren bidez haren gain utzitako aginpidea bitarte.
1.- Errekurtsoak: Zerrendan ageri diren ebazpen zigortzaileek agortu egiten dute
administrazio-bidea, eta argitalpen honen dataren biharamunetik hogei egun naturaleko
epea igarotzen delarik betearazi ahal izango da zigorra. Ebazpen zigortzaileen kontra
aukerako berraztertzeko errekurtsoa aurkeztu ahal izango da hilabeteko epean —
argitalpen honetatik 20 egun naturaleko epea igarotzen denetik kontatuta—, ebazpena
eman duen organoari zuzenduta (urriaren 30eko 6/2015 LEDaren 96.2. artikulua).
Errekurtsoa jartzeak ez du etengo zigorra betearaztea. Errekurtso-egileak betearazpena
eteteko eskatzen badu, eta eskaera egiten duenetik hilabete igaro delarik hura ebatzi ez
bada, ezetsitzat joko da. Berraztertzeko errekurtsoa aurkeztu ondoren hilabete igarotzen
delarik berariazko ebazpenik eman gabe, ezetsi egin dela ulertu beharko da, eta zabalik
geratuko da administrazioarekiko auzi-bidea.
2.- Urriaren 30eko 6/2015 LEDekretuko 95.4 artikuluan xedatutako betekizunak
betetzen dituzten dosier zigortzaileen kasuan, baldin eta alegaziorik aurkeztu ez bada eta
isunak ordaindu ez badira, jakinarazitako salaketek prozedura zigortzaileak ebazteko
ekintza baten ondorioak izango dituzte, berariazko ebazpenik eman beharrik gabe.
3.- Puntuak kentzea. Zigorra irmo bihurtzen denean kenduko dira puntuak gidatzeko
baimen edo lizentziatik. Puntuen saldoa hemen kontsultatu ahal da: www.dgt.es

5.- Ordaintzeko lekua eta modua: Leku hauetan ordaindu ahalko da: gizarteetxeetako herritarrei laguntzeko bulegoetan (finantza-erakundeekin hitzartutako kreditutxartelen bidez), astelehenetik igandera, 8:00etatik 21:30era bitartean, eta San Antonio
kaleko bulegoan, astelehenetik ostiralera, 8:30etik 19:30era bitartean. Abuztuko
ordutegia: kontsultatu. San Martineko udal bulegoetan (Teodoro Dublang Margolariaren
kalea, 25, beheko solairua), dirutan, txeke bidez edo finantza-erakunderen batekin
hitzartutako kreditu-txartela baliatuz. Ordutegia: 8:30etik 14:00etara, astelehenetik
ostiralera, lanegunetan. Telefono-zenbakiak: 010 eta 945 16 11 00; Internet bidez,
www.vitoria-gasteiz.org/ogasuna web-orrian, eta Udalarekin hitzartutako finantzaerakundeetan.
6.- Betearazte bidean ordaintzea. Prozedura bideratzen ari zen bitartean ordaindu ez
diren isunak hamabost egun naturaleko epean ordaindu beharko dira, zigorra irmo
bihurtzen den egunaren biharamunetik. Epe hori igarotzen delarik isuna ordaindu ez
bada, premiamendu-prozedura bideratuko da ordainarazteko. Horretarako, organo
eskudunak zordunari jakinarazitako premiamendu-probidentzia izango da betearazteagiria.

cve: BOE-N-2025-f01cf3833dd5da74793ed0e15014ac2db77ee32a
Verificable en https://www.boe.es

4.- Agiriak aurkeztea. Errekurtsoa posta ziurtatuz aurkeztu ahal izango da, Ogasun
Saileko Diru-bilketa Zerbitzuko Trafiko Isunen Atalari zuzenduta, administrazio-prozedura
erkidearen araudian aurreikusten den beste edozein modu baliatzeko aukera
gorabehera.