BOLETÍN OFICIAL DEL ESTADO
Martes 6 de mayo de 2025

Supl. N. Pág. 21

Argitara ematen da hemen adierazten diren zehapen-espedienteak hasi direlako
jakinarazpena, zeren eta, jakinarazpena egiten saiatuta, ezin izan baita egin. Herritarren
Segurtasuneko Saileko zinegotzi eskuordeak erabaki du zehapen-espedientea hastea,
honako jarraibide hauen arabera:
a) Ibilgailua pertsona fisikoen jabetzakoa bada, errekeritzen zaio identifika dezala
gidaria; 20 egun natural ditu horretarako, jakinarazpen hau egin eta hurrengo egunetik
hasita. Hara zein datu eman behar dituen gidaria identifikatzeko: izena, bi deitura,
gidabaimenaren zenbakia eta bizilekuaren helbidea osorik, espediente-zenbakia eta
matrikula (eta gidabaimenaren kopia, baldin eta ez badago DGTren Gidarien Erregistroan
-atzerritarrak-). Eta, hori, salbu eta arau hauste arinen eta larrien kasuan, halakoetan ez
baita punturik kentzen, eta aukera ematen baita zuzenean alegazioak aurkezteko edo
ordaintzeko. Edozein modutan ere, arau-hausteek puntuak kentzea eraginez gero,
aukeran izango da, hala ere, ordaintzea, eta, horretarako, arau-haustearen egilea izatea
aitortu beharra dago.
Ibilgailuak pertsona juridikoen jabetzakoak badira, idatziz eman behar dira jakitera
aurreko paragrafoan adierazitako datuak, hor adierazitako epean; idatzi hori, c) atalean
aipatzen diren lekuetako edozeinetan aurkeztu ahal da.
Kasu batean nola bestean, arau-haustearen erantzulea den gidaria aipatutako epean
identifikatu ezean, titularrari edo alokatzaileari ezarriko zaio zehapena, arau-hauste oso
larriaren egile moduan (6/2015 LEDaren 77. j) artikulua). Salbuespen bakarra izango da:
aparkatzeen kasuetan, ibilgailuaren titularrak arau-hausteen erantzule izan ahal badira,
diren pertsona fisikoak edo juridikoak (6/2015 LEDaren 82.g artikulua).
b).- Legeak aukera ematen duen kasuetan, 20 egun naturaleko epean ordaintzen
bada zehapena, jakinarazpen hau egin eta hurrengo egunetik kontatzen hasita,
zehapenaren zenbatekoa % 50 murriztuko da, 6/2015 LEDaren 94. artikuluan ezarritako
ondorioekin. - Salbuespenak. Ez da ordainketan deskonturik egingo arau hauek hausten
direnean: 6/2015 LEDaren 77.h), j), n), ñ), o), p), q) eta r).
c) Isuna ordaindu ezean, alegazioak aurkeztu ahal izango dira epe horretan
berorretan (6/2015 LEDaren 95.1 art.) Udalaren Erregistro Orokorrean, Herritarren
Arretarako Bulegoetan eta barrutietan, edo 39/2015 Lege urriaren 1ekoaren 16.4
artikuluaren arabera gaitutako erregistroetan, edo www.bilbao.eus udal webgunean
ezarritako kanalen bidez.
d) 6/2015 LEDaren 95.4 artikuluan aipatzen diren kasuetan, ez bada alegaziorik
aurkezten ez isunik ordaintzen, salaketa, orduan, ebazpen-egintza bihurtuko da. Egintza
horren kontra administrazioarekiko auzi-errekurtsoa aurkeztu ahal izango da, 2
hilabeteko epean. Kasu horretan, salaketa jakinarazi eta hogeita hamar egun igarotakoan
betearazi ahal izango da zehapena.
e) Espedientearen instrukzio-egilea, beraz, Herritarren Segurtasuneko Saileko
Araubide Juridikoko Sailataleko burua da, eta haren aurka errekusazioa eragin ahal
izango da, 40/2015 Lege urriaren 1ekoaren 24. artikuluak xedatutakoaren arabera.
f) Espedientea ebazteko eskumena duen organoa Herritarren Segurtasuneko Saileko
zinegotzi eskuordea da, alkatearen ebazpen bidez. (6/2015 LEDaren 84.4 art.).
ORDAINTZEKO LEKUA ETA MODUA.- Ordainagiri-jakinarazpenean daude
adierazita, eta interesdunek beren esku izango dute hura, aldez aurretik e-mail bidez
helbide honetan eskatuta: multastrafikoisunak.ssc@bilbao.eus. 20 egun dauzkazu
horretarako. Udaltax aplikazioaren bidez, edo www.bilbao.net webgunean Izapideak/Nire
ordainketa on-line atalaren bidez ere egin dezakezu ordainketa. Telefonoa: 94 420 5020
Bilbo, 2025ko maiatzak 30.- Herritarren Segurtasun Zuzendaria. Adolfo Alustiza
Fernandez

cve: BOE-N-2025-7a74b9c6b901fbc7e4bc4f78512a0160035b5451
Verificable en https://www.boe.es

Núm. 109