BOLETÍN OFICIAL DEL ESTADO
Jueves 6 de marzo de 2025

Supl. N. Pág. 4

De conformidade co disposto no artigo 91 do texto refundido da Lei sobre tráfico,
circulación de vehículos a motor e seguridade viaria (en diante LTSV), aprobado polo
Real decreto lexislativo 6/2015, do 30 de outubro (BOE núm. 261, de 31 de outubro), en
relación co igualmente previsto para esta materia polos artigos 44, 45 e 46 da Lei
39/2015, de 1 de outubro, do procedemento administrativo común das administracións
públicas (BOE núm. 236, do 2 de outubro); faise pública a notificación das resolucións
dos expedientes sancionadores que se indican, ditadas pola autoridade competente,
segundo o disposto no artigo 84 do texto refundido da LTSV, contra as persoas ou
entidades que a continuación se relacionan, xa que, logo de intentar facela no enderezo
electrónico viario (DEV) e, en caso de non dispoñer del, no domicilio expresamente
indicado para o procedemento ou, de non indicar ningún, no domicilio que figura nos
rexistros da Xefatura Central de Tráfico, esta non se puido practicar por resultar a persoa
interesada descoñecida, ignorarse o lugar de notificación ou ben porque, logo de intentar
levala a cabo no domicilio indicado pola persoa interesada para tales procedementos,
esta resultase infrutuosa.
De acordo co expresamente establecido polo artigo 91 do texto refundido LTSV, en
relación co disposto polo artigo 44 da xa citada Lei 39/2015, de 1 de outubro; este
anuncio manterase exposto no Taboleiro Edictal Único do Boletín Oficial do Estado
(TEU) durante un período de vinte días naturais, tras o que se entenderá que a
correspondente notificación foi practicada, dándose por cumprido o devandito trámite.
Dado que neste acto non se publica na súa integridade a notificación referida, de
conformidade co previsto nos artigos 45.2 e 46 da precitada Lei 39/2015, do 1 de
outubro, do procedemento administrativo común das administracións públicas; está á
disposición das persoas interesadas, na Unidade de Sancións da xefatura provincial ou
autoridade de Tráfico instrutora, o contido íntegro do devandito procedemento, xunto co
resto da documentación correspondente ao expediente indicado.
Contra estas resolucións, que poñen fin á vía administrativa, poderá interpoñerse
recurso de reposición, con carácter potestativo, no prazo dun mes, contado a partir do
día seguinte ao da finalización da publicación do presente edicto no taboleiro edictal
único do BOE, ante o xefe provincial de Tráfico correspondente, de conformidade co
disposto no artigo 96.2 do xa citado texto refundido da LTSV ou, alternativamente,
recurso contencioso-administrativo ante o xulgado do contencioso-administrativo en cuxa
circunscrición teña o seu domicilio ou estea a sede do órgano que ditou o acto orixinario
impugnado, no prazo de dous meses, que se contará, igualmente, desde o día seguinte
ao da finalización do prazo de vixencia da publicación deste anuncio no Boletín Oficial do
Estado.
De non facerse efectivo o importe da multa dentro dos quince días naturais seguintes
á firmeza da resolución, procederase á súa exacción mediante o procedemento de
constrinximento por parte dos órganos e procedementos de recadación executiva
establecidos na normativa tributaria aplicable, de conformidade co disposto no artigo 110
do texto refundido da LTSV, xa mencionado.
A documentación correspondente aos expedientes indicados consta na Unidade de
Sancións da xefatura provincial ou autoridade de tráfico instrutora do procedemento
sancionador.

cve: BOE-N-2025-ceec5e6c9bc0bc1ce62d091db32f8dcb4af506e2
Verificable en https://www.boe.es

Núm. 56